s-8.txt

سرووتە کۆمەڵایەتییەکان
توێژینەوەیەکی تیۆری
 
مەسەلەی ملکەچ بوونی تاك بۆ دیاردەکان و ئەنجامدانی سرووت، بۆ لایەنی
نائاگایی مێشکی مرۆڤ دەگەڕێتەوە، کە ئەمەش لە دەسەلاتی عەقل و پێشبینی
کردنی لۆژیکی بەدەرە، بەڵکو مەسەلەکە پەیوەستە بە کەڵەکە کردنی ئەو
تێڕوانین و بۆچوونە غەیبییانەی کە لەهزری تاکەکان لەلایەن دەسەلاتی
کۆمەلگەرایی کۆمەلگاوە لە ڕێ پەروەردەت کۆمەڵایەتییەوە لە نەخشەی زەینی
تاکەکاندا تۆمار دەکرێت، مەسەلەی هاتنە ئارای سرووتی کۆمەڵایەتی لە بنەڕەتدا
وەك وەڵامدانەوەیەک لەبەرانبەر گرفت و کێشەکاندا هاتۆتەبوون، لەبەرئەوەی
کاتێ کێشەکان بەبن بەست بوون دەگەن و تاکەکانیش تیایاندا گیردەخۆن، بۆیە
وەك وەڵامدانەوەیەک کە بۆ دوورخستنەوەی ترس لەلایەک و خوڵقاندنی
دڵنەوایی ڕۆحی لەلایەکی ترەوە، سرووت خۆی بەسەر عەقڵی مرۆڤایەتیدا فەرز
دەکات.

سرووتە کۆمەلایەتییەکان

کەڵەکە بوونی ئەزموون و زانیارییەکان، مرۆڤ پەلکێشی دەریای تێفکرین و گەڕان
بەدوای هۆشیاریی مەعریفەی تردا دەکات، دیارە ئەمەش دەرئەنجامی ئەو
هەموو پرۆسە دوورودرێژە مێژوویەیە کە لە ئەنجامی پێوەندییە
دیالیکتێکیەکانی نێوان کۆمەڵ و دیاردە بە دەرەکانی ئەودیو، واتە پێوەندیی
نێوان لایەنی (ماددی و گیانی) دروست دەبێ، هەر لە ساتی هاتنە ژیانی مرۆڤو
بەکۆمەل ژیانیان، جۆرەها وەهەمو ئەندێشە بۆ ڕووداوە میتافیزیکییەکان چێ
کرا، سرووت و سەرمۆنیا کۆمەلایەتییەكان، کە بەلایەنێکی گرنگی پێکهاتەی